മട്ടന്നൂര്: സാമൂഹിക മാധ്യമം വഴി പരിചയപ്പെട്ട യുവതിയെ തട്ടിക്കൊണ്ടുപോകാന് ശ്രമിച്ച കേസില് മുസ്ലിംലീഗ് നേതാവിന്റെ മകനടക്കം മൂന്നുപേര് അറസ്റ്റില്. പാലോട്ടുപള്ളി സ്വദേശികളായ ഷമ്മാസ്, റഹീം, ഷബീര് എന്നിവരെയാണ് കര്ണാടകയില് നിന്നും പിടികൂടിയത്. കുടക് ജില്ലയിലെ നാപ്പോക്കിലാണ് കേസിനാസ്പദമായ സംഭവം നടന്നത്.
സാമൂഹിക മാധ്യമം വഴി പരിചയപ്പെട്ട യുവതിയെ പ്രതികള് കാറില്കയറ്റി കൊണ്ടു പോകാന് ശ്രമിക്കുകയായിരുന്നു. എന്നാല് യുവതി ബഹളംവെച്ചതിനെത്തുടര്ന്ന് നാട്ടുകാര് ഓടിക്കൂടി പൊലീസിനെ വിവരമറിയിച്ചു. തുടര്ന്ന് യുവതി പൊലീസില് പരാതി നല്കി. യുവതിയുടെ പരാതിയില് നടത്തിയ അന്വേഷണത്തിലാണ് മൂന്ന് പേരും പിടിയിലാകുന്നത്. മട്ടന്നൂരിലെ മുസ്ലിംലീഗ് മണ്ഡലം നേതാവ് ഇ പി ഷംസുദ്ദീന്റെ മകനാണ് അറസ്റ്റിലായ ഷമ്മാസ്. ഖത്തറില് സ്വര്ണവ്യാപാരിയായ യമന് സ്വദേശിയെ കഴുത്തറുത്തുകൊന്ന കേസിലും ഇയാള് പ്രതിയാണ്. കോടതിയില് ഹാജരാക്കിയ പ്രതികളെ പതിനാല് ദിവസത്തേക്ക് റിമാന്ഡ് ചെയ്തു.