പാലക്കാട് : പാലക്കാട്ടേ കൊലപാതക കേസുകളില് പ്രതികളുടെ 11 പേരെ തിരിച്ചറിഞ്ഞതായി എഡിജിപി വിജയ് സാഖറെ. പ്രതികള് ആര്എസ്എസ്-ബിജെപി, എസ്ഡിപിഐ, പോപ്പുലര് ഫ്രണ്ട് ബന്ധമുള്ളവരാണെന്നും പൊലീസ് വ്യക്തമാക്കി. സുബൈര് വധത്തില് 3 പ്രതികളുടെ അറസ്റ്റ് രേഖപെടുത്തി. ശ്രീനിവാസനെ കൊലപ്പെടുത്തിയ 6 പേരെയും തിരിച്ചറിഞ്ഞിട്ടുണ്ട്.
പോപ്പുലര് ഫ്രണ്ട് ഏരിയാ പ്രസിഡന്റ് സുബൈറിനെ കൊലപ്പെടുത്തിയ കേസില് 5 പ്രതികളെയും തിരിച്ചറിഞ്ഞതായി വിജയ് സാഖറെ പറഞ്ഞു. ഇവര്ക്ക് ആര്എസ്എസ്-ബിജെപി ബന്ധമുണ്ട്. ഇതില് 3 പേരുടെ അറസ്റ്റ് രേഖപ്പെടുത്തി. ശ്രീനിവാസന് കൊലക്കേസില് 6 പ്രതികളെയും തിരിച്ചറിഞ്ഞു. ഇവര് ഒളിവിലാണ്. പോപ്പുലര് ഫ്രണ്ട് , എസ്ഡിപിഐ ബന്ധമുള്ള പ്രതികളെ കണ്ടെത്താന് 5 സംഘങ്ങളായി തിരിഞ്ഞാണ് അന്വേഷണം. ഗൂഢാലോചനയും പൊലീസ് അന്വേഷിക്കും. കൊലയ്ക്ക് ഉപയോഗിച്ച ബൈക്കിന്റെ ഉടമയായ സ്ത്രീക്ക് കേസുമായി ബന്ധമില്ലെന്നും എഡിജിപി പറഞ്ഞു. കേസിലേക്കായി നിരവധിപേരെ അന്വേഷണസംഘം കസ്റ്റഡിയിലെടുത്തിട്ടുണ്ട്. ഇവരെ വിവിധ കേന്ത്രങ്ങളില് ചോദ്യം ചെയ്തുവരികയാണ്.