കോട്ടയം: തിരുവഞ്ചൂരില് ബിഎസ്പി പ്രവര്ത്തകനെ ഹെല്മറ്റ് കൊണ്ട് തലയ്ക്ക് അടിച്ചു കൊലപ്പെടുത്തിയ കേസില് നാലുപേര് പിടിയിലായി. വന്നല്ലൂര്കര കോളനി സ്വദേശിയായ ഷൈജു(46)വാണ് മരിച്ചത്. സംഭവത്തില് സുഹൃത്തായ ലാലുവിനേയും ലാലുവിന്റെ സുഹൃത്ത് സിബിയേയും ഉള്പ്പടെ നാലുപേരെ പൊലീസ് കസ്റ്റഡിയിലെടുത്തു.
വീടിനു സമീപത്ത് നിന്നും ഇന്ന് രാവിലെ നാട്ടുകാരണ് മരിച്ച നിലയില് ഷൈജുവിനെ കണ്ടെത്തിയത്. കൊലപാതകത്തിനു ശേഷം ഉപേക്ഷിച്ച പോയതാണെന്നാണ് പൊലീസിന്റെ നിഗമനം. പൊലീസ് നടത്തിയ പരിശോധനയില് ഷൈജുവിന്റെ ശരീരത്തില് നിരവധി മുറിവുകളുള്ളതായി കണ്ടെത്തി. വിശദമായി പരിശോധന നടത്തിവരികയാണെന്ന് പൊലീസ് അറിയിച്ചു.
കൊല്ലപ്പെട്ട ഷൈജു ഇന്നലെ രാത്രി പോസ്റ്റര് ഒട്ടിക്കുന്നതിന് വേണ്ടി പുറത്തിറങ്ങിയതായിരുന്നു. പിന്നീട് കാണുന്നത് പോസ്റ്ററുകള് കൊണ്ടു മൂടിയ നിലയില് ഷൈജുവിന്റെ മൃതദേഹമായിരുന്നു. കൊലപാതകത്തിന് പിന്നില് രാഷ്ട്രീയമല്ലെന്നാണ് പൊലീസ് പറയുന്നത്. ഇന്ക്വിസ്റ്റ് നടപടികള് പൂര്ത്തിയാക്കിയതിന് ശേഷം പോസ്റ്റ് മോര്ട്ടത്തിനായി മൃതദേഹം കോട്ടയം മെഡിക്കല് കോളേജിലേക്ക് കൊണ്ടുപോകും. സംഭവത്തില് വിശദമായ അന്വേഷണം വേണമെന്ന് കോട്ടയം ബിഎസ്പി ജില്ലാ കമ്മിറ്റി ആവശ്യപ്പെട്ടു.