ബെംഗളൂരു: കേരളത്തിലേക്ക് വരാന് ജാമ്യവവസ്ഥയില് അനുമതി ലഭിച്ച പിഡിപി ചെയര്മാന് അബ്ദുള് നാസര് മഅദനി യാത്രയ്ക്ക് 60 ലക്ഷം രൂപ അടയ്ക്കണമെന്ന് കര്ണാടക പൊലീസ് ആവശ്യപ്പെട്ടതോടെ മഅദനി വീണ്ടും സുപ്രീംകോടതിയിലേക്ക്. ഇത് വിചിത്രമായ വാദമെന്നാണ് മഅ്ദനിയുടെ പ്രതികരണം.
കര്ണാടക പൊലീസ് ആവശ്യപ്പെട്ട അകമ്പടിച്ചെലവായ 60 കോടി ഉള്പ്പെടെ താമസവും ഭക്ഷണവും ഉള്പ്പെടെ ഒരു കോടിയോളം രൂപ വരും. താമസിക്കുന്ന സ്ഥലം, സന്ദര്ശിക്കാനെത്തുന്നവരുടെ ആധാര് കാര്ഡ്, അന്വാര്ശേരിയില് താമസിക്കുന്ന കെട്ടിടത്തിന്റെയും വീടിന്റെയും ലൊക്കേഷന്, ഗൂഗിള് മാപ്പ് തുടങ്ങി നിരവധി രേഖകളും പൊലീസ് ആവശ്യപ്പെട്ടു. റോഡ് മാര്ഗത്തിലൂടെ മാത്രമേ കേരളത്തിലേക്ക് പോവാന് പറ്റൂ, ആശുപത്രിയില് പോവാന് പറ്റില്ല എന്നീ നിബന്ധനങ്ങളും പൊലീസ് പറഞ്ഞതായി മഅദനിയുടെ ശബ്ദ സന്ദേശം പുറത്തുവന്നു.
കേരളത്തിലേക്ക് വരുന്നതിന് കര്ണാടക പൊലീസിന്റെ അകമ്പടി ആവശ്യപ്പെട്ടുള്ള മഅദനിയുടെ അപേക്ഷയില് ഒരാഴ്ചയ്ക്ക് ശേഷമാണ് മറുപടി ലഭിക്കുന്നത്. എന്നാല് ഇത്രയും തുക അടച്ച് കേരളത്തിലേക്ക് വരേണ്ടെന്ന നിലപാടിലാണ് മഅദനി. സുപ്രീംകോടതി അഭിഭാഷകരുമായി ആലോചിച്ച ശേഷം തുടര്നടപടികള് തീരുമാനിക്കുമെന്നും മഅദനി വ്യക്തമാക്കി.
അതിനിടെ കേരളത്തിലെ സുരക്ഷ വിലയിരുത്തിയ ശേഷമാകും യാത്രയെന്ന് ബെംഗളൂരു പൊലീസ് അറിയിച്ചതായി വാര്ത്തകളുണ്ടായിരുന്നു. യാത്ര മനഃപൂര്വം വൈകിപ്പിക്കുകയാണെന്ന് ആരോപിച്ച് മഅദനിയുടെ കുടുംബം രംഗത്തെത്തുകയും ചെയ്തിരുന്നു.