ന്യൂഡല്ഹി: ഭരണ നിര്വഹണത്തിലുണ്ടായ വീഴ്ചയാണ് ബ്രഹ്മപുരത്തെ ദുരന്തത്തിലേക്ക് നയിച്ചതെന്ന് ദേശീയ ഹരിത ട്രൈബ്യൂണല്. . തീപിടിത്തത്തിനും അത് അണയ്ക്കുന്നതിലുണ്ടായ കാലതാമസത്തിനും ജനങ്ങളുടെ ആരോഗ്യത്തിനുണ്ടായ ഭീഷണിക്കും ഉത്തരവാദി സര്ക്കാരാണ്. ഇവ വിശദമായി പരിശോധിച്ച് നടപടിയെടുക്കും. ആവശ്യം വന്നാല് 500 കോടി പിഴ ഈടാക്കുമെന്നും ഹരിത ട്രൈബ്യൂണല് സര്ക്കാരിന് മുന്നറിയിപ്പ് നല്കി. സ്വമേധയാ എടുത്ത കേസില് ജസ്റ്റിസ് എകെ ഗോയല് അധ്യക്ഷനായ ബെഞ്ചിന്റേതാണ് വിമര്ശനം.
മാധ്യമവാര്ത്തകളുടെ അടിസ്ഥാനത്തിലാണ് ട്രൈബ്യൂണല് സ്വമേധയാ കേസെടുത്തത്. അതേസമയം, ബ്രഹ്മപുരത്തെ തീ പൂര്ണമായും അണച്ചതായി സര്ക്കാര് ട്രൈബ്യൂണലിനെ അറിയിച്ചു. തീപിടിത്തത്തെ തുടര്ന്ന് സ്വീകരിച്ച നടപടികളും സര്ക്കാര് അറിയിച്ചു.