Home Cinema ‘എന്നെയോര്‍ത്ത് ആശങ്കപ്പെടേണ്ട, അസ്വസ്ഥരാകുന്നത് എന്തിനെന്നോര്‍ത്ത് നിങ്ങള്‍ ആശങ്കപ്പെടുക; രണ്ട് ചിത്രങ്ങള്‍ കൂടി പോസ്റ്റ് ചെയ്ത് സദാചാര വാദികള്‍ക്ക് കിടിലന്‍ മറുപടിയുമായി അനശ്വര രാജന്‍
RASHTRADEEPAM, NEWS, KERALA, CINEMA, MALAYALAM, POLITICS, MEDIA, WESITE, ONLINE, DAILY, HEALTH

‘എന്നെയോര്‍ത്ത് ആശങ്കപ്പെടേണ്ട, അസ്വസ്ഥരാകുന്നത് എന്തിനെന്നോര്‍ത്ത് നിങ്ങള്‍ ആശങ്കപ്പെടുക; രണ്ട് ചിത്രങ്ങള്‍ കൂടി പോസ്റ്റ് ചെയ്ത് സദാചാര വാദികള്‍ക്ക് കിടിലന്‍ മറുപടിയുമായി അനശ്വര രാജന്‍

by Rashtradeepam Desk

സദാചാര വാദികള്‍ക്ക് മറുപടിയുമായി അനശ്വര രാജന്‍. ഉദാഹരണം സുജാത എന്ന ചിത്രത്തിലൂടെ ബാലതാരമായെത്തി തണ്ണീര്‍മത്തന്‍ ദിനങ്ങള്‍ എന്ന ചിത്രത്തിലൂടെ ഏറെ ശ്രദ്ധ നേടിയ താരമാണ് അനശ്വര. താരം തന്റെ 18ാം പിറന്നാള്‍ ആഘോഷിച്ചതിനു പിന്നാലെ ഇന്‍സ്റ്റഗ്രാം അക്കൗണ്ടില്‍ പോസ്റ്റ് ചെയ്ത ചിത്രത്തിനു ലഭിച്ച സദാചാര കമന്റുകള്‍ക്കാണ് താരം മറുപടി നല്‍കിയത്.

വസ്ത്രത്തിന്റെ ഇറക്കം കുറഞ്ഞെന്ന് ചൂണ്ടിക്കാട്ടിയാണ് കൗമാര താരത്തിനെതിരെ സദാചാര കമന്റുകള്‍ നിറഞ്ഞത്. ഇതിന്, അതേ വസ്ത്രം ധരിച്ച് രണ്ട് ചിത്രങ്ങള്‍ കൂടി പോസ്റ്റ് ചെയ്താണ് താരം മറുപടി നല്‍കിയത്.

‘ഞാന്‍ എന്തു ചെയ്യുന്നുവെന്ന് ഓര്‍ത്ത് നിങ്ങള്‍ ആശങ്കപ്പെടേണ്ട കാര്യമില്ല. എന്റെ പ്രവൃത്തികള്‍ നിങ്ങളെ അസ്വസ്ഥരാക്കുന്നതെന്തിനെന്നോര്‍ത്ത് നിങ്ങള്‍ ആശങ്കപ്പെടുക.’ ചിത്രങ്ങള്‍ക്ക് അടിക്കുറിപ്പായി അനശ്വര കുറിച്ചു. മുന്‍പും താരം സൈബര്‍ ആക്രമണം നേരിട്ടിട്ടുണ്ട്.

അനശ്വര മലയാളത്തിന് പുറമെ രാംഗി എന്ന തമിഴ് ചിത്രത്തില്‍ തൃഷയോടൊപ്പം അഭിനയിച്ചു. വാങ്ക് എന്ന ചിത്രമാണ് ഇനി പുറത്തിറങ്ങാനുള്ളത്.

 

Related Posts

error: Content is protected !!