തിരുവനന്തപുരം: കിളിമാനൂരില്‍ സൈനികന്‍ വാഹനാപകടത്തില്‍ മരിച്ചു. പുളിമാത്ത് സ്വദേശി ആരോമല്‍ (25) ആണ് മരിച്ചത്. ബൈക്ക് യാത്രക്കിടയില്‍ നിയന്ത്രണം വിട്ട് മറിഞ്ഞ് അപകടമുണ്ടാവുകയായിരുന്നു. ഇന്നലെ രാത്രി എട്ടുമണിയോടെയായിരുന്നു അപകടമുണ്ടായത്. പരിക്കേറ്റ ആരോമലിനെ നാട്ടുകാര്‍ ചേര്‍ന്ന് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. വാഹനാപകടത്തില്‍പ്പെട്ട് ചികിത്സയില്‍ കഴിയുന്ന അച്ഛനെ കാണാന്‍ നാട്ടിലെത്തിയതായിരുന്നു ആരോമല്‍. മൃതദേഹം മെഡിക്കല്‍ കോളേജിലെ മോര്‍ച്ചറിയില്‍ പ്രവേശിപ്പിച്ചു. പോസ്റ്റ് മോര്‍ട്ടത്തിനു ശേഷം ബന്ധുക്കളും സൈനീകരും ചേര്‍ന്ന് മൃതദേഹം ഏറ്റ് വാങ്ങും.
